الليمونة

بلشت تبين التجاعيد
وأنا بعدني بنت صغيرة
وحبيبي شعرو عم يبيض
وأنا لسه بالألوان مغرومة
وكل ما سألتن: أي سنة نحنا؟
قالوا لي أرقام كتير كبيرة وبعيدة
وبعدني خايفة أعترفك لك
انو هي معك، أحلى أيام حياتي
وكأنو حياتي عم تخلص
وعم توقع على المخدة متل شعراتي
كيف فكرت انو راح ضل متذكرة؟
كل شي؟
وأنا اليوم نساية، نساية.
من الشباك، من البلكون، من القمر، عم أتفرج
وهي المشاية تاعي، العتيقة، عم بتناديني: تعي. تعي.
وراح بتضل شجرة الليمون بعدي
وأنا يلي كبرتها على الغنى والرقص والبوسات والزعرنة
وضليت خبي زهراتا بصدري
منشان يصير صدري أكبر من ليموناتا.
وبلشت تبين التجاعيد يا ليمونتي
وأنا بعدني بنت صغيرة
وحبيبي شعرو صرت شوفه لوحة بيضة
وأنا أصابعي بالألوان مغروسة.

فدوى